Pregunta/kontesta

1. Kiko ta ATM?
ATM ta para pa Apstené Te Matrimonio. Pues e ta e posishon moral/seksual ku ta boga pa un hende biba un bida di kòntròl propio seksual promé ku e kasa i unabes kasá tene relashon libremente ku su propio kasá eksklusivamente. Esaki ta un balor moral Bíbliko di tur tempu, e no ta nada nobo i ántes e tabata e norma moral aseptá den komunidat.

2. Ken mester praktiká ATM?
Tur hende ku no ta kasá mester apstené di relashon seksual. Esaki ta un regla moral apsoluto ankrá den Beibel, e Palabra di Dios. Si bo ta kere den Dios si òf nò, òf ku bo ta aseptá e reglanan moral di Beibel si òf nò, no ta hasi diferensia. Dia di huisio tur hende mester duna kuenta na Dios pa nan violashon di e reglanan moral-seksual di Dios.

3. Kua ta e norma moral-seksual di Beibel?
Sèks mester tuma lugá entre un hòmber i su esposa.
Sèks komo soltero ta e piká ku yama fornikashon.
Sèks komo kasá ku un hende ku no ta bo kasá ta e piká ku yama adulterio.
Sèks entre hende di e mesun sekso ta e piká ku yama homoseksualismo òf lesbianismo.
Tur otro tipo di sèks ta kai bou di e palabra general fornikashon òf inmoralidat seksual.

4. Kua versíkulonan di Beibel ta pone ATM komo regla di bida?
Tin hopi! Aki ta sigui un par:

“Tur hende respetá matrimonio, i esposo i esposa keda fiel na otro.
Pasobra Dios lo huzga esnan ku ta praktiká inmoralidat seksual i ta kometé adulterio.”
(Hebreonan 13:4)

“Ta boluntat di Dios pa boso biba den un forma santu i keda leu for di inmoralidat.
Kada un di boso mester sa kon dominá su mes kurpa na un manera santu i honorabel.”
(I Tesalonisensenan 4:3-4)

5. ATM ta algu nobo?
Apsolutamente ku nò! Tur tempu ATM a wòrdu konsiderá komo e regla moral-seksual normal. Durante di e Revolushon Seksual di e añanan 60, hende a rechasá moralidat seksual bíbliko masalmente. Ku aseptashon masal di e filosofia di bida humanista, a drenta e filosofia di moralidat relativo òf kada ken por disidí kiko ta bon p’e. Kristiannan i hendenan no-kristian moralmente íntegro a sigui praktiká ATM apesar di e degenerashon moral rondó di nan.

6. Dikon diripiente bo ta tende di ATM tur kaminda?
Pasobra gruponan kristian a kuminsá plama e posishon aki ku sobrá di komunidat, espesialmente den e lus di e frakaso grandi di e kampaña di ‘safe sex’ dor di e problema sosial kresiente di embaraso hubenil i e plamamentu bárbaro di malesanan venériko, partikularmente AIDS. E gruponan aki ta konvensí ku ‘save-sex’ ta e úniko alternativa ku ta 100% efektivo kontra embaraso hubenil i plamamentu di malesa venériko.

7. Kua ta e motibunan pa praktiká i promové ATM?

  1. Ora bo ta praktiká ATM bo ta agradá Dios
  2. ATM ta 100% efektivo kontra embaraso
  3. ATM ta 100% efektivo kontra tur malesa venériko
  4. ATM ta promové rèspèt pa bo mes
  5. ATM ta promové rèspèt pa e sekso opuesto
  6. ATM ta spar bo di e doló emoshonal i kulpa ku semper ta sigui sèks sin kompromiso

8. Ken por ta un bosero di ATM?
Tur hende ku a hasi un promesa di ATM i ta kompletamente dediká na praktiká ATM.
E hende por ta un bírgen òf un hende ku eksperensia seksual kaba. Tambe tur otro hende ku ta kere den e posishon sea bo ta kasá òf nò. Bo mester ta dispuesto pa pone bo mes konsientemente komo modelo di ATM pa henter bo bida di soltero.

9. Kon mester dil ku reakshonnan hostil kontra e posishon di ATM?

  1. Asumí un posishon fuerte i konvinsente!
  2. No bèk i no laga niun hende intimidá bo!
  3. Ta abo tin e balor moral korekto!
  4. Bira e mesa i pone ku e praktikante di sèks inmoral mester defendé su posishon!
  5. Keda kariñoso, positivo i kontrolá!
  6. Duna kontestanan skèrpi, kla i ku konvikshon!
  7. Wak hende den nan wowo ora bo ta kontestá!
  8. Kontestá a base di bo propio konvikshon, desishon i práktika!
  9. Duna informashon a base di estadístika!*
  10. Reta e hóbennan pa djòin e moveshon di ATM!
  11. No kontestá pregunta hipotétiko!

p. e. : Supongamos ku otro aña bo topa un chek hopi dushi i bosnan tene relashon den
un momentu di pashon, kiko lo bo hasi e ora ei?

Kontesta: Mi a komprometé mi mes na ATM! Ora mi topa un hende asina lo mi
tuma mas medida pa sigurá ku nada no ta pasa!

10. Kon mester dil ku preshon pa tene relashon na edat hóben? (kon bisa nò!)
Maneranan pa bisa nò:

  1. ‘Dushi si bo stima mi, bo ta hasié ku mi!’ — ‘Si abo stima mi, bo ta respetá mi!’
  2. ‘Tur hende ta hasié!’ — ‘Bo no a konta bon, ami no ta aden!’
  3. ‘Den nos gèng nos tur a hasié kaba!’ — ‘Wèl, mi mester buska otro amigu anto!’
  4. ‘Bo no a hasi nada ainda?’ — ‘Nò, Dùh!’
  5. ‘Bo no a hasi nada ainda?’ — ‘Nò, Dùh! Di kuantu abo ta bayendo awor!’
  6. ‘Mi sa bon kon pa hasié pa nada no pasa!’— ‘Ami sa ku nada no ta bai pasa! Nada!’
  7. ‘Mi a hasi un tèst i mi no tin malesa!’ — ‘Ta bon ku bo ta limpi. Ami ke kasa ku
    un hende ku no tin mester di hasi niun tèst’
  8. ‘Si bo no drumi ku mi, mi ta kibra ku bo!’— ‘Dil!’
  9. ‘Mi tin un kondon huntu ku mi!’ — ‘Warda mi konta mi mama di bo regalo’
  10. ‘Bo no ke sa kon e ko’i ta sinti?’ — ‘Si, pero mi no tin purá. Tur kos na su tempu!’

11. Kua ta e fuentenan di preshon seksual serka hóbennan?

  1. E deseonan seksual den kurpa di e hóben mes.
  2. E mundu di farándula hubenil
  3. E mensahenan seksual den muzik, weganan di kòmpiuter.
  4. E merkadeo sensual di tur tipo di produkto na televishon.
  5. Pelíkulanan ku esenanan erótiko na televishon i na teaternan di sine.
  6. Amigunan ku ta reta otro pa tene relashon.
  7. Un frei ku ta keda pidi pa sèks òf ta buska kontakto físiko konstantemente.
  8. Programanan di informashon seksual ku ta promové ‘safe sex’.

12. Kua ta e problemanan i konsekuensianan negativo di e posishon di ‘safe sex’, òf uzo di kondon?
Problemanan:

  1. Promoshon di ‘safe-sex’ no ta frena aktividat seksual, pero ta akomod’é i den hopi kaso ta enkurash’é!
  2. Uzo di kondon ta keda un problema i no ta 100% sigur, pasobra kondonnan sa tin buraku, sa kibra, slep kita for di riba e pénis, keda atras den vágina di e muhé, i hopi hóben ta uz’é robes.
  3. E posishon di ‘safe-sex’ ta promové inmoralidat.
  4. No tin un nèt di kuido pa fangu e víktimanan di kondukta seksual deskabeyá.
  5. Tòg bo por haña bo ku un embaraso.
  6. Kondon no ta protehá kontra diferente malesa venériko.

*Condom Fact:
There are two primary ways that STDs can be transmitted. Human immunodeficiency
virus (HIV), as well as gonorrhea, chlamydia, and trichomoniasis – the discharge
diseases – are transmitted when infected semen or vaginal fluids contact mucosal
surfaces (e.g., the male urethra, the vagina or cervix). In contrast, genital ulcer diseases
– genital herpes, syphilis, and chancroid – and human papillomavirus are primarily
transmitted through contact with infected skin or mucosal surfaces.

13. Kua ta e problemanan i konsekuensianan negativo di e posishon di ‘save sex’ òf ATM?

  1. Niun pa loke ta malesa i embaraso. E ta 100% efektivo.
  2. E hóben mester lucha un temporada largu kontra di preshon seksual.