4 Motibu Klave
4 Motibu Klave pa Dedikashon na Apstinensia
Pa Calvin Varlack
Pakiko praktiká Apstinensia Seksual?
Bo ke agradá bo Dios!
– E boluntat i reglanan di Dios ta bon
– Sèks promé ku matrimonio ta un piká
– E ta violá bo konsenshi
– Dios lo huzga e hende inmoral
(Hebr. 13:4)
Bo ke balorá bo mes!
– Bo balor propio no ta dependé di sèks (sèks pa aseptashon, tur hende ta hasié)
– Sèks sin e dedikashon di matrimonio ta barata
– Trata bo mes ku rèspèt
– Enfoká riba logra otro metanan den bida (skol, hòbi, deporte, amistat, ministerio)
– Biba liber di e frustrashon di mester lanta un yu na yòn
– Biba liber di malesa venériko
(Mat. 16:26)
Bo ke respetá bo partner!
– Stimashon ta dispuesto pa warda
– Konosé su karakter ta mas importante ku konosé su kurpa
– Virginidat ta un bon regalo pa duna bo kasá
– Bo ke drenta un relashon liber di peso negativo di relashonnan pasado
(I Tesa. 4:3-6)
Bo ke impaktá bo mundu!
– Prueba na mundu ku por otro
– Influenshá otronan pa nan tambe praktiká ATM
– Ser un testimonio habrí, sin miedu i ku konvikshon fuerte
(Fil. 2:14-15)
Pa hasi e Promesa di Apstinensia Seksual te Matrimonio:
- Bo mester ta kompletamente konvensí ku e posishon di apstinensia ta e úniko korekto!
- Bo mester dediká bo mes kompletamente na Dios! (alma & kurpa)
- Bo mester konta e kosto! (mas o ménos 8 aña sin nada di sèks)
- Bo mester ta dispuesto pa praktiká ATM maske ta abo so a sobra di bo grupo!
- Bo mester ta dispuesto pa bai públiko ku bo desishon!
- Bo mester ta dispuesto pa wanta i dil ku chèrchè di esnan ku ta kontra ATM!
- Bo mester ta dispuesto pa saka tur kos for di bo bida ku lo pusha bo den direkshon di sèks! (bistimentu indesente, baile vulgar, muzik sensual/inmoral, flertmentu, stimulashon i karisia seksual, pòrnografia, etc. )
- Bo mester ta dispuesto pa komuniká habrí ku bo mayornan tokante di sèks i freimentu!
- Bo mester kibra ku un relashon aktual ku ta un relashon di sèks!