Bon bini

Welkom   Welcome   Bienvenido   Bienvenue

Hóben nos ta hopi kontentu ku bo a skohe pa bishitá nos website. Nos a hasié pa abo!
E meta di e website ta pa duna bo informashon tokante ATM i asina yuda bo pa tuma E desishon korekto.

Si bo tin kualke pregunta òf komentario, lag’é bin libremente. Nos tei pa papia i diskutí na un manera habrí, sano i responsabel riba e tema di seksualidat.

Kòrda bini bek regularmente. Nos lo tin tópikonan hot, informashon tokante nos aktividatnan, potrèt, videoclips i hopi mas…

Hóben skohe sabí, skohe ATM!

Balor Propio + Dominio Propio = ATM

PS: mayor i adulto, ounke e website aki ta dediká prinsipalmente na e hóben, abo tambe ta mas ku bon bini! Nos ta spera ku bo ta haña informashon balioso pa yuda bo, yuda guia bo yu òf otro hóben ku bo tin kontakto kuné.

Informashon Charla

Fundashon ATM ta ofresé charlanan edukativo, entre otro:

1. ATM i Bo Seksualidat: nos ta splika seksualidat bou di adolesente i ta konsientisá e hóben ku nan por skohe pa apstené di seksualidat.
2. Tattoo i Piercing: nos ta konsientisá e hóben di e peliger/konsekuensia di Tattoo i Piercing; nos ta spièrta nan pa skohe responsabel kon trata nan kurpa i pa no imitá moda djis pa konta.
3. Loverboy/Lovergirl: nos ta konsientisá e hóben di e fenómeno aki i ta spièrta nan pa paga bon tinu pa no kai den na trampanan.
4. Eskoho i Konsekuensia: nos ta konsientisá e hóben kon nan eskohonan den bida (amistat, tempu liber, bistimentu, uso di droga i alkohòl i sèks) tin konsekuensianan direkto riba nan bida.
5. E poder di Modestia; den a charla aki nos ta presentá e hóben e balornan di desensia, tantu den nan manera di bisti, papia komo aktua.

Tambe nos tin Charlanan ku ta trata e tema di e.o. ‘Aborto’, ‘Pornografia’ i di ‘Life Skills’: kon stimulá e outo-estima i balor propio di e hóben. Nos tin hóbennan bosero di ATM ku ta duna nan eksperiensha riba kada tópiko den un sistema interaktivo, hubenil i dinámiko.

E Charlanan ta 45 minüt òf mas, dependien-do kada grupo. Nos nos ta sugerí un donashon di NAfl.50.00 pa ora. E Charlanan ta den forma di ‘Powerpoint’ i ta rekerí un lokal adekuá pa proyektá esaki. Si bo ta interesá pa nos duna Charla na bo skol/instituto, tuma kontakto ku nos libremente na selular 528-5090.